‘पेट्रोल नाही, तर कशाला हवी गाडी?’ तरुणाने भररस्त्यात लावली काडी; छ. संभाजीनगरमध्ये धक्कादायक प्रकार

छत्रपती संभाजीनगर: अमेरिका-इस्रायल आणि इराण युद्धाच्या पार्श्वभूमीवर जगभरात तेलाचं संकट निर्माण झालंय. याचा फटका काही प्रमाणात भारतात देखील बसत असल्याचं चित्र असून काही ठिकाणी पेट्रोलसाठी रांगा लागल्या आहेत. या सगळ्या घडामोडीत छत्रपती संभाजीनगरात एकाने टोकाचा निर्णय घेतला. ‘पेट्रोल मिळत नसेल तर गाडी हवीच कशाला? म्हणत शरद गणपत भोजने याने भररस्त्यात स्वत:चीच गाडी पेटवून दिली. पोलिसांनी वेळीच घटनास्थळी धाव घेतल्याने परिस्थिती नियंत्रणात आली.