छत्रपती संभाजीनगरमध्ये RSS च्या सदस्यांना शिवीगाळ; नऊ जणांविरुद्ध गुन्हे दाखल, नेमकं प्रकरण काय?

सिद्धार्थ गोदाम, प्रतिनिधी छत्रपती संभाजीनगर: छत्रपती संभाजीनगर शहरात राष्ट्रीय स्वयंसेवक संघाच्या अर्थात RSSच्या काही सदस्यांना शिवीगाळ केल्याचा प्रकार समोर आला आहे. आरएसएसकडून सदस्य नोंदणी सुरू असताना काहीजणांनी संघाच्या सदस्यांना लक्ष्य करून शिवीगाळ केली. यावरून समाजात धार्मिक तेढ निर्माण करण्याचा प्रयत्न केल्याचा गंभीर आरोप करण्यात आला आहे. या दोन वेगवेगळ्या घटनांप्रकरणी छत्रपती संभाजीनगर पोलिसांनी तातडीने कठोर भूमिका घेत नऊ जणांविरुद्ध दोन स्वतंत्र गुन्हे दाखल केले आहेत. संघाची सदस्य नोंदणी मोहीम सुरू असताना शहरात दोन ठिकाणी अशा प्रकारच्या शिवीगाळीच्या घटना घडल्या.