धाराशिवमधील महिलेनं सुरू केलं शेव चिवड्याचं हॉटेल, संघर्षाला मिळालं यश, आज दिवसाला होतेय 45 हजारांची उलाढाल

धाराशिव : आज प्रत्येक क्षेत्रात महिला पुरुषांच्या बरोबरीने पुढे जात आहेत. विविध क्षेत्रात यश मिळवत आहे. आज अशाच एका महिलेची कहाणी आपण जाणून घेणार आहोत, ज्यांनी अत्यंत मेहनतीने आपला हॉटेल व्यवसाय सुरू केला आणि मागील 14 वर्षांपासून त्या हा व्यवसाय करत आहेत. तसेच या आपल्या व्यवसायाच्या माध्यमातून दिवसाला 45 हजार रुपयांची उलाढाल करत आहेत.

मीरा देवळकर असे या महिलेचे नाव आहे. जवळपास 14 वर्षांपूर्वी मीरा देवळकर यांनी वालवाडच्या आठवडी बाजारात भाजीपाला विक्रीचा व्यवसाय सुरू केला होता. त्यानंतर हळूहळू त्यांनी शेव चिवड्याच्या व्यवसायाला सुरुवात केली. त्यांचे पती चांगदेव देवळकर, मुलगा मनोज देवळकर यांच्या मदतीने त्यांनी हॉटेल व्यवसाय सुरू केला. त्यांच्या हॉटेलमध्ये शेव चिवडा, जिलेबी, वडापाव, भजे, आणि भेळ मिळते.