Maharashtra politics : बच्छाव यांना उमेदवारी जाहीर होताच काँग्रेसला मोठा धक्का; नेत्याचं राजीनामास्त्र

धुळे, दीपक बोरसे, प्रतिनिधी : धुळ्यातून मोठी बातमी समोर येत आहे. महाविकास आघाडीमध्ये धुळे लोकसभा मतदारसंघ हा काँग्रेसच्या वाट्याला आला आहे. या मतदारसंघातून काँग्रेसनं डॉ. शोभा बच्छाव यांना उमेदवारी जाहीर केली आहे. मात्र बच्छाव यांना उमेदवारी जाहीर होताच काँग्रेसमध्ये नाराजी नाट्य सुरू झाल्याचं पाहायला मिळत आहे. काँग्रेसचे धुळे जिल्हाध्यक्ष शामकांत सनेर यांनी बच्छाव यांच्या उमेदवारीवर नाराजी व्यक्त करत पदाचा राजीनामा दिला आहे. शामकांत सनेर हे देखील धुळे लोकसभा मतदारसंघातून निवडणूक लढवण्यासाठी इच्छूक होते.