ट्रॅक्टर-रिक्षाचा भीषण अपघात, पाईप थेट रिक्षात आरपार घुसला, ५ जण गंभीर जखमी, थरकाप उडवणारा CCTV

शिरपूर वाघाडी रस्त्यावरील 'वाघाडी टी पॉइंट' जवळ भरधाव वेगाने येणाऱ्या बोअरवेल ट्रॅक्टरने समोरून येणाऱ्या ॲपे रिक्षाला जोरदार धडक दिली. ही धडक इतकी भीषण होती की बोअरवेल ट्रॅक्टरवर ठेवलेला बोरवेलचा पाईप थेट रिक्षामध्ये आरपार घुसला.

या भीषण दुर्घटनेत ॲपे रिक्षाचा अक्षरशः चुराडा झाला असून रिक्षामधील महिला रस्त्यावर फेकली गेल्याचं सीसीटीव्ही कॅमेरामध्ये कैद झाले आहे. या भीषण अपघातात ॲपे रिक्षामध्ये प्रवास करणारे चार ते पाच प्रवासी जखमी झाले असून एकाची प्रकृती गंभीर आहे.

दरम्यान घटनेची माहिती कळताच स्थानिकांनी घटनास्थळावर धाव घेत जखमींना रुग्णालयात उपचारासाठी दाखल केले. दुसरीकडे बोअरवेल ट्रॅक्टरच्या चालकावर गुन्हा दाखल करण्याचे काम पोलिसांकडून सुरू आहे.