लाडक्या जावयांना हायकोर्टाचा मोठा दणका! सासरकडच्या मालमत्तेबातत दिला महत्वाचा निर्णय

या प्रकरणात न्यायमूर्ती तरला राजशेखरराव यांनी नमूद केलं की, जर एखाद्या हिंदू महिलेला तिच्या आई-वडिलांकडून मालमत्ता वारसा हक्काने मिळाली आणि तिचा मृत्यू निपुत्रिक अवस्थेत झाला, तर त्या मालमत्तेवर तिच्या वडिलांच्या वारसांचा हक्क राहतो. अशा परिस्थितीत पती किंवा सासरच्या व्यक्तींना त्या मालमत्तेवर कोणताही कायदेशीर दावा करता येत नाही.

हा वाद एका मालमत्ता व्यवहाराशी संबंधित होता. संबंधित महिलेने २००२ साली तिच्या नातीला मालमत्ता भेट स्वरूपात दिली होती. मात्र, २००५ मध्ये त्या नातीचा निपुत्रिक मृत्यू झाला. त्यानंतर, मूळ मालमत्ताधारक महिलेने ही भेट रद्द केली आणि तीच मालमत्ता आपल्या दुसऱ्या नातीला देण्याचा निर्णय घेतला.

दरम्यान, मृत नातीच्या पतीने या निर्णयाला आव्हान देत संबंधित आदेशावर हरकती घेतल्या. त्याने मालमत्तेवर हक्क सांगण्याचा प्रयत्न केला. त्यानंतर खालच्या प्राधिकरणाकडून त्याच्या बाजूने आदेश मिळाला.

उच्च न्यायालयाने हा युक्तिवाद मान्य करत पतीचा दावा फेटाळून लावला. न्यायालयाने स्पष्ट केलं की, पतीला त्या मालमत्तेवर कोणताही कायदेशीर हक्क नाही. तसेच, भेट रद्द करण्याच्या वैधतेवर प्रश्न उपस्थित करण्याचाही त्याला अधिकार नसल्याचं न्यायालयाने नमूद केलं.