वडिलोपार्जित मालमत्तेत हिस्सा देण्यास कुटुंबाचा विरोध होतोय का? स्वत:चा हक्क कसा मिळवायचा?

मुंबई : भारतात परंपरेने संयुक्त कुटुंब पद्धतीला मोठे महत्त्व होते. अनेक पिढ्या एकत्र राहून शेती, व्यवसाय आणि मालमत्ता सांभाळण्याची संस्कृती रूढ होती. मात्र बदलत्या काळानुसार जीवनशैलीत बदल झाला असून, मोठ्या संयुक्त कुटुंबांची जागा हळूहळू लहान विभक्त कुटुंबांनी घेतली आहे. याच बदलाचा थेट परिणाम मालमत्तेच्या वादांवर होताना दिसतो. आज जवळजवळ प्रत्येक तिसऱ्या कुटुंबात मालमत्तेवरून मतभेद किंवा वाद निर्माण होतात. काही वेळा हे वाद आपापसात मिटवले जातात, तर अनेक प्रकरणे थेट न्यायालयात जातात.