Jalna News: अपघाताचा गुन्हा नोंदवण्यासाठी मागितले पैसे, लाचखोर महिला हवालदार ACB जाळ्यात

सिंधू खरजुले ही जालन्यातील चंदनझिरा पोलीस स्थानकात हवालदार म्हणून कार्यरत आहे. समर्थनगर परिसरात राहणाऱ्या खरजुले यांना 70 हजारांवर पगार आहे. तरीही एका मोटारसायकल अपघातात गुन्हा नोंदवून घेण्यासाठी तिने 10 हजारांची लाच मागितली होती. तक्रारदाराची लाच देण्याची इच्छा नसल्याने त्याने लाचलुचपत प्रतिबंधक विभागाकडे लेखी तक्रार केली होती. तक्रारीवर पडताळणी केल्यानंतर जालना शहरातील चंदनझिरा पोलिस ठाण्यात सोमवारी सायंकाळी ही कारवाई करण्यात आली.

दरम्यान, एसीबीने सापळा रचून खरजुले हिला 5 हजारांची लाच घेताना रंगेहाथ पकडले. याप्रकरणी पुढील कारवाई सुरू आहे.