Jalna Tirupati Train: जालना ते तिरुपती पुन्हा धावणार स्पेशल ट्रेन, वेळापत्रक आणि थांबे संपूर्ण माहिती

जालना-तिरुपती या रेल्वेमध्ये सेकंड एसी, थर्ड एसी, स्लीपर आणि जनरल सेकंड क्लास डबे असतील. दर सोमवारी सकाळी 7 वाजता ही गाडी जालना येथून निघून मंगळवारी सकाळी 10.45 वाजता तिरुपतीला पोहोचेल. तर तिरुपती येथून मंगळवारी दुपारी 3.15 वाजता निघून बुधवारी दुपारी 3.50 वाजता जालन्यात पोहोचेल. त्यामुळे तिरुपती भक्तांना 3 दिवसांत तिरुपती दर्शन घडणार आहे.

जालना ते तिरुपती (07609) ही विशेष रेल्वे परतूर, सेलू, मानवत रोड, परभणी, गंगाखेड, परळी वैजनाथ, लातूर रोड, विकाराबाद, लिंगमपल्ली, गुटूर गुडूर, रेनीगुंटामार्गे धावेल. तर तिरुपती ते जालना (07610) ही विशेष रेल्वे रेनीगुंटा, गुडूर गुंटूर, लिंगमपल्ली, विकाराबाद, लातूर रोड, परळी वैजनाथ, गंगाखेड, परभणी, मानवत रोड, सेलू, परतूरमार्गे धावणार आहे. 7 जुलै 2025 ते 30 मार्च 2026 दरम्यान ही गाडी धावणार आहे.