Kolhapur : कंटेनरच्या धडकेत आई-वडिलांचा हृदयद्रावक शेवट, कारमधल्या त्या वस्तूमुळे वाचली 8 महिन्यांची चिमुरडी!

कोल्हापूर : कोल्हापूरमधल्या प्रसिद्ध उद्योजक दाम्पत्याचा निपाणीजवळ भीषण रस्ते अपघातामध्ये मृत्यू झाला आहे, पण कारमध्ये असलेल्या एका वस्तूमुळे या दाम्पत्याची 8 महिन्यांची मुलगी सुदैवाने वाचली आहे. पुणे-बंगळुरू नॅशनल हायवेवर निपाणीजवळ शुक्रवारी दुपारी हा अपघात झाला. या अपघातामध्ये कोल्हापूरचे उद्योजक जिगर किशोर नाकराने (वय 24) आणि त्यांची पत्नी ऋतिका जिगर नाकराने (वय 24) यांचा मृत्यू झाला आहे. अपघातानंतर किशोर आणि ऋतिका यांना रुग्णालयात दाखल करण्यात आलं, पण हा अपघात इतका भयंकर होता की डॉक्टरांना दोघांनाही वाचवता आलं नाही.