Phaltan Doctor Death: प्रकरण योग्य पद्धतीने हाताळले नाही, IG सुनील फुलारी यांच्याकडून सातारा पोलिसांची खरडपट्टी

सातारा : साताऱ्यातील फलटण पोलीस स्टेशनमधील पोलीस उपनिरीक्षक गोपाळ बदने याच्यावर महिला डॉक्टर आत्महत्या प्रकरणात आरोप झाल्याने राज्यासह देशाभरात चर्चा होत आहे. पोलीस उपनिरीक्षकावरच जर अत्याचाराचे आरोप होत असतील तर सर्वसामान्यांनी कुठे जायचे? असा प्रश्न विचारला जात आहे. कुंपनानेच शेत खायचे म्हटल्यावर सामान्य माणसाला कुणी वाली आहे की नाही? असा प्रश्न उपस्थित होत आहे. याच पार्श्वभूमीवर खाकीवर गंभीर आरोप झाल्याने कोल्हापूर परिक्षेत्राचे विशेष पोलीस महानिरीक्षक सुनील फुलारी यांनी सातारा पोलिसांना सुनावले.