'जगदगुरु संत नरेंद्राचार्य महाराज यांना महाराष्ट्र भूषण पुरस्कार द्यावा', नितेश राणेंची मुख्यमंत्री फडणवीसांकडे मागणी

'महाराष्ट्र भूषण पुरस्कार हा राज्यातील सर्वोच्च नागरी सन्मान असून तो समाजासाठी कार्य करणाऱ्या व्यक्तींना दिला जातो. संत नरेंद्राचार्य महाराज यांच्या कार्याचा व्याप्ती आणि समाजावरचा प्रभाव पाहता, त्यांना हा सन्मान मिळणे योग्य ठरेल. या मागणीमुळे राज्यातील धार्मिक आणि सामाजिक वर्तुळात चर्चेला सुरुवात झाली आहे. अनेक ठिकाणी कार्यकर्त्यांनी आणि भक्तांनीही ही मागणी पुढे नेण्याची तयारी दर्शवली आहे. यापूर्वी देखील अनेक जणांनी नरेंद्राचार्य यांना महाराष्ट्र भूषण पुरस्कार द्यावा ही मागणी करण्यात आली होती, आता थेट मंत्री नितेश राणे यांनी ही मागणी केल्याचं पाहायला मिळत आहे.