VIDEO| मृत्यूच्या दारातून सुटका! मालेगाव महापालिकेची लिफ्ट पाचव्या मजल्यावरून कोसळली

मिळालेल्या माहितीनुसार, महापालिकेच्या या लिफ्टची क्षमता केवळ ८ व्यक्तींची होती. मात्र, निवडणुकीचा निकाल लागल्यानंतर पाचव्या मजल्यावरून खाली येण्यासाठी लिफ्टमध्ये एकाच वेळी १५ ते १६ जण शिरले. क्षमतेपेक्षा दुप्पट वजन झाल्यामुळे लिफ्टची वायर अचानक तुटली आणि पाचव्या मजल्यावरून लिफ्ट वेगाने खाली आली. सुदैवाने सेफ्टी ब्रेकमुळे लिफ्ट दुसऱ्या मजल्यावर अडकली, अन्यथा मोठा अनर्थ घडला असता.

लिफ्ट दुसऱ्या मजल्यावर अडकल्यानंतर आत असलेल्या लोकांचा श्वास गुदमरू लागला होता. तातडीने मदतकार्य राबवून तळमजल्याचे सुरक्षा गेट तोडण्यात आले आणि त्यानंतर सर्वांना सुखरूप बाहेर काढण्यात आले. लिफ्टमधून बाहेर पडलेल्यांच्या चेहऱ्यावर मृत्यूच्या दाढेतून परतल्याची भीती स्पष्ट दिसत होती. इतके नगरसेवक आणि लोक लिफ्टमध्ये घुसले कसे? या घटनेमुळे सुरक्षेचा मुद्दा पुन्हा एकदा ऐरणीवर आला आहे. मालेगावात अशा पद्धतीची दुर्घटना घडणं धोक्याचं आहे.