जळगाव हादरलं! 3 वर्षाच्या सावत्र मुलीसोबत बापाचं धक्कादायक कृत्य, आईनेही दिली साथ

माधुरी घेटे या महिलेला पहिल्या पतीपासून तीन वर्षाची मुलगी आणि पाच वर्षाचा मुलगा अशी दोन मुलं होती. आपल्या पतीला सोडून तीनच महिन्यांपूर्वी या महिलेनं आपला प्रियकर अजय घेटे याच्यासोबत लग्न केलं. दरम्यान शुक्रवारी अजय घेटे याने आपल्या तीन वर्षीय सावत्र मुलीच्या डोक्यावर दांड्याने वार केला. यानंतर तिचा गळा आवळून खून केला.

या घटनेनंतर मुलीचा मृतदेह महिलेच्या माहेरी म्हणजेच बेलसवाडी येथे घेऊन जात आजारपणामुळे मुलीचा मृत्यू झाला असल्याचा बनाव केला गेला. मात्र, ग्रामस्थांना संशय आल्याने याबाबत ग्रामस्थांनी पोलिसांना माहिती दिली. यानंतर हत्येचा सदर प्रकार हा उघडकीस आला असून याप्रकरणी मुलीची आई आणि सावत्र बापाविरुद्ध मुक्ताईनगर पोलीस स्टेशनमध्ये खुनाचा गुन्हा दाखल करण्यात आला आहे. या घटनेमुळे परिसरात एकच खळबळ उडाली आहे.