ST Bus: थर्टीफस्टला ‘आवडेल तिथे फिरा’, एसटी महामंडळाकडून खास ऑफर

महाराष्ट्रात आणि परराज्यांमध्ये चार किंवा सात दिवसांचा प्रवास करण्यासाठी महाराष्ट्र राज्य परिवहन महामंडळाने ‘आवडेल तिथे प्रवास’ ही योजना सुरू केली आहे. योजनेअंतर्गत प्रवासाच्या पासच्या मुल्यात अलीकडेच बदल करण्यात आला आहे. त्यानुसार विविध वयोगट, बसेस आणि तुमच्या प्रवासाच्या दिवसाप्रमाणे एमएसआरटीसीने पासचे दर 200 ते 800 रुपयापर्यंत कमी केले आहेत. 5 ते 12 वर्षांपर्यंतच्या मुलांसाठी 50 टक्के सवलत देत पास उपलब्ध केले आहेत. तर 18 वयोगटातील पुढच्या प्रवाशांना 60 ते 75 टक्के पर्यंत सवलत देण्यात आली आहे. या पासच्या योजनेमुळे प्रवाशांना आवडेल तिथे प्रवास करणं खूपच सोयीस्कर होणार आहे.

साध्या एसटी बसमधून सवलतीच्या प्रवासासाठी पूर्वी 1814 रुपये शुल्क प्रवाशांना मोजावे लागत होते. ते आता 1364 इतके केले आहे. पूर्वीच्या शुल्कात एमएसआरटीसीने 450 रुपयांची कपात केली आहे. तसेच 12 मीटर ई-बस शिवाईच्या पासचे दर देखील 2681 रुपयांवरून 2072 रुपयांपर्यंत कमी केले आहेत. यामध्ये पूर्वीच्या दरात 789 रुपयांनी कपात केली आहे. सर्व प्रकारच्या बसच्या पास शुल्काचे दर स्वस्त करण्यात आल्याने प्रवाशांमधून समाधान व्यक्त होत आहे.