ऑनलाईन चलन दिले अन् चोरीचा डाव फसला, नागपूरमधून चोरीला गेलेली बाईक नाशिकमधून जप्त, नेमकं काय घडलं?

नागपूर : अलीकडे बाईक चोरीच्या घटना खूप वाढतांना दिसून येत आहेत. अशीच घटना नागपूरमध्ये सुद्धा घडली आहे. नागपूर रेल्वे स्थानकावरून एक बुलेट चोरीला गेली होती. जी आरोपीसह नाशिकमधून जप्त करण्यात आली आहे. प्रत्यक्षात आरोपी हेल्मेटशिवाय ती बुलेट चालवत होता. त्यामुळे त्याला ऑनलाईन चलन दिल्या गेले. त्याच चलनाच्या आधारे, आरोपीचे ठिकाण शोधण्यात आले. त्यानंतर त्याला अवघ्या 48 तासांत पकडण्यात आले आणि नागपूरला आणण्यात आले. ही संपूर्ण कारवाई पोलीस अधीक्षक डॉ. प्रियांका नारनवरे यांच्या मार्गदर्शनाखाली आणि पीआय गौरव गावंडे यांच्या नेतृत्वाखाली करण्यात आली आहे.