'झुकती है दुनिया, बस झुकानेवाला चाहिए', अशोक खरातची सगळ्यात मोठी कबुली, महिलांना कसं भुलवायचा हेही सांगितलं

भोंदूगिरीच्या नावाखाली महिलांचं लैंगिक शोषण करणाऱ्या अशोक खरातने अखेर तोंड उघडलं आहे. त्याने महिलांवर अत्याचार कसा केला याची कबुली दिली आहे. मात्र या अत्याचाराला त्याने विज्ञानाला जोडण्याचा प्रयत्न केला. महिलांना धमकावून आणि हातचलाखीने त्यांना आकर्षित करून शोषण केल्याचं त्याने पोलिसांना सांगितलं आहे. 'दुनिया झुकती है, बस झुकानेवाला चाहिए' असं देखील तो कबुली जबाबात बोलल्याची माहिती समोर आली आहे. तसेच आपण महिलांना कसं भुलवायचो, हेही सांगितलं आहे. अशोक खरातच्या या कबुलीमुळे या प्रकरणाला नवं वळण लागलं आहे.