नीलेश घायवळला जिल्हा परिषद निवडणुकीला उभं राहायचं होतं, परंतु विरोधकांनी आधीच... आईचा धक्कादायक गौप्यस्फोट

पुणे : गेल्या तीन ते चार वर्षांपासून राज्यात जिल्हा परिषदेच्या निवडणुका रखडलेल्या आहेत. अनेक राजकारणी मंडळी निवडणुकीची वाट पाहत होते. अखेर सर्वोच्च न्यायालयाच्या निर्देशानुसार पुढच्या दोन महिन्यांत बहुप्रतिक्षित निवडणूक होणार आहे. राजकारणी लोक जसे निवडणुकीची वाट पाहत होते, तसेच पुणे आणि नगर जिल्ह्यातील गुन्हेगारी जगतातला 'बॉस' अर्थात नीलेश घायवळ देखील जिल्हा परिषद निवडणुकीची आतुरतेने वाट पाहत होता. पुढच्या दोन महिन्यात त्याला निवडणुकीला उभे राहायचे होते, असा गौप्यस्फोट करून त्याआधीच त्याच्या विरोधकांनी त्याला अडकविण्याचा कट रचला, असा दावा नीलेश घायवळ याची आई कुसुस घायवळ यांनी केला.