'सुनेत्रा पवारांना आमचा पाठिंबा, पण...' काँग्रेसने उमेदवार देण्याच्या भूमिकेवर शरद पवारांची पहिली प्रतिक्रिया

शरद पवार यांनी आज राज्यसभेच्या खासदारकीची शपथ घेतली. त्यानंतर दिल्लीत आपल्या निवासस्थानी पत्रकार परिषद घेतली. यावेळी त्यांनी बारामती पोटनिवडणूक ते अशोक खरात प्रकरणावर भाष्य केलं.

"उमेदवार देणं हा त्या पक्षाचा विषय आहे. काँग्रेस एक राजकीय पक्ष आहे, तो त्यांचा अधिकार आहे,  त्यावर फार चर्चा करण्याची गरज नाही. बिनविरोध करा अस म्हणायचं पण काही कारण नाही. लोकशाहीत निवडणूक लढवण्याचा अधिकार आहे. मागच्या निवडणुकीत सुप्रिया विरुद्ध सुनेत्रा अशी झाली होती,  तेंव्हा सुप्रिया सुळे निवडून आल्या होत्या. सुप्रिया यांची चौथी निवडणूक होतीकाँग्रेसला बोलण्याची काय गरज आहे,  राजकारणात येणारी लोक लोकांची काम करण्यासाठी येतात, अजित पवार लोकांची काम करत होते. त्यांचा आदर आहे, हे मान्य केलं आहे ते जाण्याचं दुःख कुटुंब म्हणून आम्हाला सगळ्यांना आहे. कुटुंबात एक पद्धत आहे, कुटुंब प्रमुख त्याची बाकीची भूमिका मांडली जाते, ती राजकीय नसते. आज ती जबाबदारी माझी होती. त्यामुळे आम्ही ठरवलं आपल्याकडून उमेदवारी द्यायची नाही. आता समोर कुणीतरी लढेल हे मान्य करूनच निवडणुकीत उभं राहावं लागतं, अशी प्रतिक्रिया शरद पवार यांनी दिली.