Bigg Boss Marathi 6 : रुचिताचे तन्वीवर खळबळजनक आरोप, आता प्रभूनेही सगळं सांगितलं

बिग बॉस मराठी 6 च्या घरातून बाहेर आलेल्या सदस्यांनी घरातील आतील आणि सदस्यांबाबत बऱ्याच गोष्टी सांगितल्या आहेत. काही दिवसांपूर्वीच रुचिता जामदाराने तन्वीबाबत खळबळजनक खुलासा केला होता. तन्वी स्मोक करते, असं तिने सांगितलं होतं. दरम्यान रुचिताच्या या वक्तव्यावर सतत तन्वीसोबत राहणाऱ्या प्रभूने प्रतिक्रिया दिली आहे. प्रभू शेळकेने त्याच्या इन्स्टाग्राम अकाऊंटवर एक पोस्ट केली आहे. ज्यात त्याने आधी रुचिता तन्वीबाबत जे काही म्हणालं आहे ते दाखवलं आहे. या व्हिडीओत रुचिता तन्वी स्मोक करत असल्याचं म्हणाली. रुचिता म्हणते, "मला स्मोकचा त्रास होतो, मला तो वास सहन नाही होत. हे सगळ्यांना माहिती होतं. तन्वी स्मोक करून यायची आणि माझ्या अगदी तोंडाजवळ यायची. मी हात उचलावा अशी तिची अपेक्षा असायची आणि त्याच वासामुळे मी तिला खरकटी बोलले होते" अखेर तो दिवस आलाच! Bigg Boss Marathi 6 चा पहिला फायनलिस्ट, तिकीट टू फिनाले कुणाला? रुचिताने तन्वीवर केलेल्या या आरोपांवर प्रभूने प्रतिक्रिया दिली आहे. प्रभू आणि तन्वी दोघं बिग बॉसच्या घरात भावा-बहिणीप्रमाणे राहिले आहेत. प्रभू सतत तन्वीच्या मागेमागे असायचा, ती सांगेल ते ऐकायचा. यावरून घरातील सदस्यही त्याला सतत टोमणे मारायचे. तसंच प्रेक्षकही त्याला यावरून ट्रोल करत होते. असा हा तन्वीसोबत 24 तास राहणारा प्रभू, ज्याने रुचितानंतर तन्वीबाबत सांगितलं आहे. तो म्हणाला, प्राजक्ता असो, संस्कृती असो वा रुचिता, टोळीमधून इतके लोक बाहेर आले आहेत. ते आमच्याबद्दल, काटा ग्रुपबद्दल निगेटिव्हच बोलत आहेत. बिग बॉस मराठीच्या घरातून बाहेर आल्यावर रुचिता अफवा पसरवते आहे." "मी 24 तास तन्वीताई सोबत राहिलो आहे आणि मी तिलाच ओळखतो. तन्वी ताई खूप चांगली मुलगी आहे. ती चांगलं खेळते, स्ट्राँग प्लेअर आहे म्हणूनच रुचिता तिच्यावर जळते. ती स्मोक वगैरे काही करते ते मला माहिती नाही. पण तुमचे कान आणि डोळे यात चार बोटांचा फरक आहे हे लक्षात ठेवा", असं तो म्हणाला. View this post on Instagram A post shared by Prabhu Ashok Shelke (@prabhushelke007) दरम्यान प्रभूच्या या व्हिडीओवर रुचिताने कमेंट केली. "बाळा तुला मी बाहेरही फुटेज देणार नाही. तन्वीच्या नावाने भांडत बस्सं", असं ती म्हणाली. दरम्यान तन्वीने प्रभूला भाऊ मानलं आणि बिग बॉसच्या घरात असो वा आता प्रभू बाहेर आल्यावर ती बहिणीचं नातं निभावताना दिसली आहे. प्रभूसाठी तिने बऱ्याच गोष्टी केल्या आहेत. मग त्या गेम, टास्कमध्ये असो वा त्याच्या वैयक्तिक आयुष्यात. काही टास्क आणि गेममध्ये तन्वीने प्रभूसाठी नमती भूमिका घेतली आहे. तसंच त्याच्या आईला आपली नवीकोरी साडी आणि तो घराबाहेर आल्यानंतर त्याच्या कुटुंबाला टीव्हीही गिफ्ट म्हणून दिला आहे. प्रभू आणि तन्वी दोघांना एकमेकांविरोधात चिथवण्याचा, त्यांच्यात फूट पाडण्याचा आणि त्यांना वेगळं करण्याचाही प्रयत्न झाला. पण त्यांनी आपलं नातं तुटू दिलं नाही.

Bigg Boss Marathi 6 : रुचिताचे तन्वीवर खळबळजनक आरोप, आता प्रभूनेही सगळं सांगितलं

फोटो

ताज्या बातम्या