पाकिस्तानसह नेपाळमधील गुन्हेगारांच्या टार्गेटवर वसई विरार, सीमेपलीकडून केला जातोय मृत्यूचा खेळ

वसई विरार बाबत एक धक्कादायक बाब समोर आली आहे. वसईत मागील काही दिवसांपासून अमली पदार्थांची तस्करी मोठ्या प्रमाणात सुरू असल्याचं समोर आलं आहे. ही तस्करी महाराष्ट्रातून किंवा परराज्यातून होत नाही, तर यामागे पाकिस्तान आणि नेपाळमधील तस्करांचा सहभाग असल्याचं समोर आलं आहे. या दोन्ही देशातील सीमेपलीकडून काही तस्कर भारतातील तस्करांना हाताशी धरून वसई विरारमध्ये मृत्यूचा खेळ करत आहेत. या दोन्ही देशातून मोठ्या प्रमाणात अमली पदार्थांची तस्करी होत आहे. याबाबतचं रॅकेट आता उघडकीस आलं आहे.