पुण्यात राज ठाकरेंचे शिलेदार भाजप-राष्ट्रवादीला भिडणार, 44 जणांना उमेदवारी, संपूर्ण यादी

पुण्यात उद्धव ठाकरे यांची शिवसेना आणि मनसे युतीमधून निवडणूक लढवित आहेत. महाविकास आघाडी म्हणून निवडणूक लढविण्यासाठी उद्धव ठाकरे यांच्या शिवसेनेने बरेच प्रयत्न केले. परंतु शरद पवार यांच्या राष्ट्रवादीने अजित पवार यांच्या राष्ट्रवादीसोबत जाण्यासाठी अखेरपर्यंत बोलणी सुरू ठेवल्याने महाविकास आघाडीची बोलणी फिस्कटली. त्यामुळे मुंबईप्रमाणे पुण्यातही ठाकरे सेना-मनसे युती म्हणून लढत आहेत.

महाराष्ट्र नवनिर्माण सेनेची पुण्यात मर्यादित ताकद आहे. २०१२ च्या महापालिका निवडणुकीत महाराष्ट्र नवनिर्माण सेनेने आश्चर्यकारक कामगिरी करीत पुण्यात विस्तार केला. वसंत मोरे यांच्यासारख्या आक्रमक नेत्यामुळे महापालिकेत सर्वपक्षियांना मनसेची दखल घ्यावी लागली. मात्र गेल्या काही वर्षात मनसेने पक्षबांधणीकडे लक्ष न दिल्याने मर्यादित जागांवर लढण्याची वेळ त्यांच्यावर आली.