रत्नागिरीच्या खोल समुद्रात स्फोटाचे आवाज, मध्यरात्री घडलेल्या घटनेचं गूढ समोर, पोलिसांनी दिली महत्त्वाची माहिती

राजेश जाधव, प्रतिनिधी रत्नागिरी: रत्नागिरी जिल्ह्याच्या राजापूर तालुक्यातील माडबन आणि विजयदुर्ग परिसरात शनिवारी रात्री समुद्रात स्फोटा सारखे आवाज ऐकू आले आहेत. खोल समुद्रातून अशाप्रकारे स्फोटाचे आवाज ऐकू आल्याने परिसरात खळबळ उडाली होती. आतमध्ये काही वेगळं काही घडतंय का? याबाबत चर्चांना उधाण आलं होतं. या घटनेमुळे परिसरात विविध अफवा पसरल्या होत्या. आता अखेर मध्यरात्री घडलेल्या या घटनेचं गूढ समोर आलं आहे. याबाबतचा खुलासा पोलीस अधिकाऱ्यांनी केला आहे.