शिंदेंच्या शिवसेनेला धक्क्यावर धक्के, अंबरनाथमध्ये भाजपने आता व्यापरी संघाचा पदाधिकारी फोडला

ठाणे :  राज्यात महायुती असताना स्थानिक स्वराज्य संस्था निवडणुकीत एकमेकांचे नेते, पदाधिकारी फोडण्याची स्पर्धा शिवसेना आणि भाजपा या दोन पक्षांमध्ये लागली आहे. यावरून महायुतीत नाराजीनाट्य पाहायला मिळाले. शिवसेनेच्या मंत्र्यांनी मंत्रीमंडळ बैठकीवर बहिष्कार टाकला. तर उपमुख्यमंत्री एकनाथ शिंदे यांनी थेट दिल्ली गाठत अमित शाह यांच्याकडे फोडाफोडी थांबवा, अशी विनंती केली. खरतर या दिल्लीवारीनंतर ही फोडाफोडी थांबायला हवी होती, पण ती अधिकच वाढल्याचे चित्र ठाण्यात दिसत आहे.