Nagar Parishad Election: निवडणुकाच्या नावानं चांगभलं, शिवसेना शिंदे गटाची शरद पवारांच्या NCP सोबतच युती!

येवला : राज्यात नगरपंचायत आणि नगरपरिषद निवडणुकीची रणधुमाळी सुरू झाली आहे. महापालिका निवडणुकीच्या आधी सर्वच पक्षांची ही राजकीय चाचणी समजली जात आहे. काही ठिकाणी महायुतीत फुट पडली आहे तर काही ठिकाणी एकत्र लढत आहे. पण, अशातच नाशिक जिल्ह्यातील येवला नगर परिषद निवडणुकीत  शिवसेना आणि शरद पवार राष्ट्रवादीची युती झाली आहे. विशेष म्हणजे, मंत्री छगन भुजबळ यांच्या मतदार संघात सेना उमेदवाराच्या प्रचारासाठी मंत्री दादा भुसे, भाऊसाहेब चौधरी कामाला लागले आहे.