'लालपरी'चा निरोप घेताना बसला घट्ट मिठी; 28 वर्षांच्या सेवेचा अखेरचा दिवस अन् कंडक्टरचा काळजाला भिडणारा VIDEO

सोलापूर : आजकाल मोठ्या शहरांमध्ये एसी बस आणि मेट्रोसारख्या वाहतुकीच्या सेवा उपलब्ध झाल्या असल्या, तरी एसटी आणि सामान्य प्रवासी यांचं एक वेगळंच नातं आहे. मात्र, एखाद्या एसटी कर्मचाऱ्याचं आपल्या गाडीशी आणि सेवेशी किती घट्ट नातं असू शकतं, याचं हृदयस्पर्शी दर्शन एका व्हायरल व्हिडिओतून घडलं आहे. सोलापूर विभागातील मोहोळ आगाराचे एक वाहक (कंडक्टर) आपल्या २८ वर्षांच्या प्रदीर्घ सेवेनंतर निवृत्त झाले. त्यांच्या निवृत्तीच्या शेवटच्या फेरीचा भावूक व्हिडिओ सध्या सोशल मीडियावर सर्वांचे लक्ष वेधून घेत आहे.