Baramati Election: सुनेत्रा पवारांकडून काल ठाकरेंना फोन, आज सपकाळ-जानकरांना फोन, बारामती पोटनिवडणुकीबाबत पडद्याामागे मोठी घडामोड...

बारामती: राज्याचे माजी उपमुख्यमंत्री दिवंगत अजित पवार यांच्या निधनामुळे रिक्त झालेल्या बारामती विधानसभा मतदारसंघाची पोटनिवडणूक बिनविरोध करण्यासाठी सुनेत्रा पवार यांनी पुढाकार घेतला आहे. शनिवारी शिवसेना (ठाकरे गट) पक्षप्रमुख उद्धव ठाकरे यांच्याशी संपर्क साधल्यानंतर, आज सुनेत्रा पवार यांनी काँग्रेसचे प्रदेशाध्यक्ष हर्षवर्धन सपकाळ आणि रासपचे नेते महादेव जानकर यांच्याशी फोनवरून सविस्तर चर्चा केली. मात्र, काँग्रेसने घेतलेल्या आक्रमक भूमिकेमुळे बारामती बिनविरोध होण्याच्या मार्गात मोठे अडथळे निर्माण झाले आहेत. काँग्रेसने हायकमांडच्या आदेशानंतर काही दिवसांपूर्वीच बारामती पोटनिवडणुकीसाठी इच्छुकांच्या मुलाखती घेतल्या. त्यापैकी काहींना उमेदवारी मिळण्याची चिन्हे आहेत.