Thane: पहिल्याच महासभेत उपमहापौरांचा राजीनाम्याचा इशारा, भाजप-शिंदेसेनेत खडाजंगी, जोरदार राडा

अजित मांढरे, प्रतिनिधी, ठाणे : ठाणे महापालिकेत भारतीय जनता पक्ष आणि एकनाथ शिंदे यांच्या नेतृत्वाखालील शिवसेना पक्षाने एकत्र येऊन सत्ता स्थापन केली खरी परंतु सत्ता स्थापनेच्या १५ दिवसांनंतर लगोलग त्यांच्यात खटके उडायला सुरुवात झाली आहे. आम्हाला आमच्या प्रश्नांची उत्तरे मिळणार नसतील तर आम्ही सत्तेबाहेर पडू, राजीनामा देऊ, असा इशारा भाजप नेते, ठाण्याचे उपमहापौर कृष्णा पाटील यांनी दिला. त्यामुळे भाजप-सेनेचा संसार पुढची पाच वर्षे नीटपणे चालणार का? अशी चर्चा ठाण्यात सुरू आहे.