उद्या सोन्याच्या किंमतीत किती बदल होणार? बाजारात उलथापालथीचे संकेत; चांदीसाठी अत्यंत 'घातक' आठवडा

पश्चिम आशियातील परिस्थितीकडे बाजाराचे बारकाईने लक्ष असेल. तेथील कोणतीही सकारात्मक किंवा नकारात्मक घडामोड आर्थिक बाजारात चढ-उतार निर्माण करू शकते असे जेएम फायनान्शियल सर्व्हिसेसचे प्रणव मेर यांनी सांगितले. डेटा बाबतीत मॅन्युफॅक्चरिंग PMI, जर्मनी आणि युरोझोनमधील CPI आकडे, अमेरिकेचा कंझ्युमर कॉन्फिडन्स, नॉन-फार्म पेरोल आणि रोजगाराशी संबंधित आकडे यावर लक्ष केंद्रित राहील.

पुढील आठवड्यात देशांतर्गत कमोडिटी मार्केटमध्ये ट्रेडिंग कमी राहण्याची शक्यता आहे. कारण 31 मार्च आणि 3 एप्रिल रोजी श्री महावीर जयंती आणि गुड फ्रायडे निमित्त बाजार बंद राहतील. देशांतर्गत बाजारात मागील आठवड्यात गोल्ड फ्युचर्स (Gold Price) किंचित घसरून 10 ग्रॅममागे 1.44 लाख रुपयांवर बंद झाले. तर चांदी (Silver Price) 1,182 रुपयांनी म्हणजेच 0.52 टक्क्यांनी वाढून 2.27 लाख रुपये प्रति किलोपर्यंत पोहोचली.

रुपयाच्या कमकुवतपणामुळे बुलियन किमतींना आधार मिळाला. मागील आठवड्यात रुपया 1 टक्क्यांहून अधिक घसरून सुमारे 94.80 या पातळीवर बंद झाला. अलीकडील घसरण ETF गुंतवणूकदारांची विक्री, कमी मागणी, मजबूत डॉलर आणि वाढते अमेरिकन ट्रेझरी बाँड यिल्ड्स यामुळे झाली. आंतरराष्ट्रीय बाजारात सोने सुमारे 2 टक्क्यांनी घसरून 4,492.5 डॉलर प्रति औंसवर बंद झाले, तर चांदी 69.79 डॉलर प्रति औंसवर थोडीशी वाढली.