MHADA Lottery: मुंबई-ठाणेकरांसाठी बंपर लॉटरी, अडीच हजार घरांची सोडत, स्वस्तातली घरं कुठं अन् किती?

कोकण मंडळात अल्प उत्पन्न गटासाठी चितळसर मानपाडा येथे 200 ते 250 घरे उपलब्ध होतील. तर बाळकुमला मध्यम उत्पन्न गटासाठी 206 घरे असतील. या सोडतीत 20 टक्के सर्वसमावेशक योजनेंतर्गत खासगी विकासकांकडून काही घरे म्हाडाला उपलब्ध होणार आहेत. त्यामुळे ठाणे महानगरपालिका अंतर्गत 5 प्रकल्पांत 138 घरे, कल्याण डोंबिवलीच्या  3 प्रकल्पांत 40 घरे, नवी मुंबईतील एका प्रकल्पात 21 घरे आणि वसई विरारच्या 2 प्रकल्पांत 38 घरे उपलब्ध होतील.

एप्रिल महिन्याअखेरीस कोकण मंडळाच्या सोडतीची जाहिरात प्रसिद्ध केली जाईल. यात साधारण 1 हजार घरे अत्यल्प उत्पन्न गटासाठी असतील, अशी माहिती कोकण मंडळाचे मुख्य अधिकारी डॉ. विशाल राठोड यांनी दिली. या घरांच्या किमती अंदाजे 20 ते 30 लाखांच्या दरम्यान असतील. त्यामुळे अत्यल्प उत्पन्न गटाला मोठा दिलासा मिळणार आहे.