Shocking Incident : ''बाबा, मी येतो मदतीला...'' हे शेवटचे शब्द ठरले; नालासोपाऱ्यातील चिमुकल्याच्या मृत्यूने हळहळ

पोलिसांनी दिलेल्या माहितीनुसार, अल्पवयीन मुलगा आपल्या वडिलांसोबत बांधकामाच्या ठिकाणी गेला होता. इमारतीच्या कामासाठी वापरण्यात आलेले बांबू काढण्याच्या कामात तो वडिलांना मदत करत होता. यावेळी तिसऱ्या मजल्यावर काम सुरू असताना अचानक त्याचा तोल गेला आणि तो थेट खाली जमिनीवर कोसळला.

दरम्यान या घटनेची माहिती मिळताच तुळींज पोलिसांनी घटनास्थळी धाव घेतली. पोलिसांनी पंचनामा केला असून अकस्मात मृत्यूची नोंद करण्यात आली आहे. बांधकामस्थळी सुरक्षेच्या उपाययोजना पाळल्या गेल्या होत्या का तसेच अल्पवयीन मुलाकडून काम करून घेतले जात होते का याबाबत पोलीस अधिक तपास करत आहेत.