लोकलचाही प्रवास होणार सुसाट; वंदे मेट्रो लोकल ट्रेन धावणार; जाणून घ्या सोयी सुविधा

प्रवाशांच्या वाढत्या गरजा लक्षात घेऊन 18डब्यांची अत्याधुनिक एसी लोकल तयार करण्यात येणार आहेत आणि हा उपक्रम मेक इन इंडिया’ अंतर्गत राबवण्यात येत आहे. वंदे मेट्रो लोकलही ताशी130 किलोमीटर वेगाने धावण्यास सक्षम असून प्रवासाचा वेळ लक्षणीयरीत्या कमी होणार आहे.

डब्यांची रचना सुटसुटीत पद्धतीने करण्यात आल्याने गर्दीचे योग्य व्यवस्थापन करता येणार आहे. तसेच यंत्रणा छत आणि तळभागावर बसवण्यात आल्यामुळे डब्यांमध्ये अधिक मोकळी जागा मिळणार. गादीयुक्त आसने, दिव्यांग तसेच व्हीलचेअर वापरणाऱ्या प्रवाशांसाठी स्वतंत्र जागा देण्यात येणार असून, सर्व वंदे मेट्रो लोकल सेवेत आल्यानंतर मुंबईकरांचा प्रवास अधिक सुरक्षित, वेगवान आणि जागतिक दर्जाचा होईल, असा विश्वास मुंबई रेल्वे विकास महामंडळाने व्यक्त केला आहे.