मराठवाड्यातील प्रवाशांसाठी गुड न्यूज, नांदेड–मुंबई विमानसेवेचा मुहूर्त निघाला, या दिवशी होणार सुरू

मुंबई : मराठवाड्यातील लाखो प्रवाशांसाठी महत्त्वाची ठरणारी नांदेड–मुंबई हवाईसेवा अनेक महिन्यांच्या प्रतीक्षेनंतर आता सुरू होण्याच्या टप्प्यावर आली आहे. मुंबईसाठी थेट हवाई संपर्क नसल्यामुळे नांदेडकरांसह हिंगोली, परभणी, लातूर, वाशीम आणि यवतमाळ या भागातील प्रवाशांना मोठ्या गैरसोयीला सामोरे जावे लागत होते. याच पार्श्वभूमीवर या सेवेचा प्रारंभ हा स्थानिक नागरिकांच्या दृष्टीने जिव्हाळ्याचा मुद्दा बनला होता.