Mumbai News : गुड न्यूज! पश्चिम रेल्वेचा गेम चेंजर प्लॅन! करी रोड आणि लोअर परेल दरम्यान...

नव्या डेपोमध्ये रेल्वे डब्यांची देखभाल शिवाय तपासणी आणि स्वच्छता करण्यासाठी दोन पिट लाइन्स असतील तसेच गाड्या उभ्या ठेवण्यासाठी सात स्टेबलिंग लाइन्स केल्या जाणार आहे. पिट लाइन्सना 31 मार्च रोजी मंजुरी मिळाली होती तर 15 महिन्यांत हा प्रकल्प पूर्ण करण्याचे उद्धिष्ट समोर आहे. स्टेबलिंग लाइन्सच्या कामालाही लवकर अंतिम मंजूरी मिळण्याची शक्यता आहे.

सध्या मुंबई सेंट्रल येथील पिट लाइन्स या पूर्ण क्षमतेने वापरात आहेत ज्यामुळे तिथं नवीन गाड्यांसाठी जागाच मिळत नाही. या सर्व कारणामुळे मुंबई सेंट्रल आणि दादर येथून नवीन लांब पल्ल्याच्या गाड्या या सुरु करण्यात मोठे अडथळे येत होते. त्यामुळे हा नवा डेपो या समस्येवर उपाय ठरेल.

एवढेच नाही तर पश्चिम रेल्वे सध्या वंदे भारत, एसी लोकल आणि 15 डब्यांच्या उपनगरीय गाड्यांची संख्या वाढवत आहे. यामुळेही नवीन डेपो येत्या काही दिवसातील वाढ लक्षात घेऊन तयार केला जात आहे. त्यामुळेच आधीच्या पिट लाइन्सवरील ताण कमी होईल आणि नव्या सेवांसाठी जागा मोकळी होईल.