रात्रीच्या वेळी पनवेल-अलिबाग बस शोधताय? एसटी महामंडळाचा अजब कारभार, प्रवाशांचा मोठा खोळंबा

सामाजिक कार्यकर्ते देवव्रत विष्णु पाटील यांनी यावर नाराजी व्यक्त केली आणि सांगितले की, स्थानिक लोकप्रतिनिधी स्वतः एसटीने प्रवास करत नाहीत, त्यामुळे त्यांना सामान्य प्रवाशांच्या अडचणी कळत नाहीत. त्यांच्या या वक्तव्यामुळे प्रशासनाच्या दुर्लक्षावर प्रश्नचिन्ह उपस्थित होत आहे. दरम्यान, प्रवासी राजेश म्हात्रे यांनी सांगितले की, रात्री 9 नंतर पनवेलहून वडखळकडे जाण्यासाठीही बस सेवा उपलब्ध नसते. अलिबाग मार्गाव्यतिरिक्त इतर कोणतीही बस थांबत नाही, अशी त्यांची तक्रार आहे.