10 दिवसांपूर्वी ब्रेकअप, मुंबईत 24 वर्षीय तरुणीवर प्रियकराकडून तलवारीने हल्ला, स्वत:ला संपवलं
- Published by:Ravindra Mane
Last Updated:
Crime in Mumbai: मुंबईतील काळाचौकी परिसरात एक थरकाप उडवणारी घटना समोर आली आहे. इथं एका तरुणाने २४ वर्षीय तरुणीवर भरवस्तीत तलवारीने सपासप वार केले आहेत.
मुंबई: मुंबईतील काळाचौकी परिसरात एक थरकाप उडवणारी घटना समोर आली आहे. इथं एका तरुणाने २४ वर्षीय तरुणीवर भरवस्तीत तलवारीने सपासप वार केले आहेत. ब्रेकअप झाल्यानंतर रागाच्या भरात हा जीवघेणा हल्ला करण्यात आला. या हल्ल्यात तरुणी गंभीर जखमी झाली असून, तिच्यावर रुग्णालयात उपचार सुरू आहेत. तरुणीवर हल्ला केल्यानंतर हल्लेखोर आरोपीने स्वत:ला देखील संपवलं आहे. हल्ल्याची ही घटना उघडकीस येताच परिसरात एकच खळबळ उडाली आहे.
सोनू बराई असं हल्लेखोर आरोपीचं नाव आहे. पोलिसांनी दिलेल्या माहितीनुसार, काळाचौकी परिसरात राहणाऱ्या २४ वर्षीय तरुणीचे आणि सोनू बराई याचे प्रेमसंबंध होते. मात्र, ८ ते १० दिवसांपूर्वीच दोघांमध्ये काही कारणास्तव ब्रेकअप झाला होता. हा ब्रेकअप आरोपी सोनू बराई याच्या जिव्हारी लागला होता. ब्रेकअपमुळे सोनू बराई प्रचंड रागात होता. याच रागातून त्याने तरुणीवर जीवघेणा हल्ला केल्याची माहिती समोर आली आहे.
advertisement
शुक्रवारी सकाळी भर वस्तीत आरोपी सोनू बराई याने तरुणीला गाठले आणि तिच्यावर थेट तलवारीने हल्ला केला. हा हल्ला इतका भीषण होता की, यात तरुणी गंभीर जखमी झाली. नागरिकांनी तातडीने तरुणीला जवळच्या रुग्णालयात दाखल केले असून तिच्यावर सध्या उपचार सुरू आहेत. तिची परिस्थिती गंभीर असल्याची माहिती मिळत आहे.
हा सगळा थरार घडल्यानंतर आरोपी सोनू बराई याने लगेच स्वतःला संपवलं आहे. प्रेम प्रकरणातून घडलेल्या या घटनेनंतर परिसरात एकच खळबळ उडाली आहे. ही घटना उघडकीस येताच काळाचौकी पोलीस घटनास्थळी दाखल झाले असून त्यांनी सोनूचा मृतदेह ताब्यात घेतला आहे. घटनास्थळाचा पंचनामा केला असून घटनेचा पुढील तपास केला जात आहे.
view commentsLocation :
Mumbai,Maharashtra
First Published :
October 24, 2025 12:25 PM IST
मराठी बातम्या/मुंबई/
10 दिवसांपूर्वी ब्रेकअप, मुंबईत 24 वर्षीय तरुणीवर प्रियकराकडून तलवारीने हल्ला, स्वत:ला संपवलं
