'सुनेत्रा पवारांचा पराभव झाला, त्या दिवशी 5 वाजता अजितदादांनी फोन केला', तटकरेंनी बोलता बोलता बरंच सांगितलं

लोकसभा निवडणूक पराभव झाल्यानंतर अनेकांनी टीकास्त्र आमच्यावर केली.  आता महाराष्ट्रात अजितदादांचं काही चालणार नाही. मी त्यावेळी एक वाक्य बोललो,  आता अजित पर्व सुरू होणार आहे, त्यावेळी माझ्यावर अनेकांनी टीका केली. त्या वाक्याचा वेगळा अर्थ कााढला गेला. त्यावेळी सगळ्याांनी साथ दिली. लोकसभा निवडणुकीत सुनेत्रा पवार यांचा पराभव झाला. अजितदादांसारखा दिलदार नेता, त्यावेळी त्यांनी मला अशा परिस्थितीतही फोन केला, संध्याकाळी एनडीएची बैठक आहे, तुम्हाला आणि प्रफुलभाईंना बैठकीला गेलं पाहिजे. मी त्यांना सांगितलं तुम्हाला भेटल्याशिवाय कुठे जाणार नाही. मी अजितदादांना भेटलो आणि त्यानंतर दिल्लीला गेलो. दिल्लीपेक्षा अजितदादा हे आमच्यासाठी सर्वस्व होते. आधी दादांना भेटलो नंतर पुढे गेलो होतो.

"अनेक घडामोडी होत गेल्या, एखादं नेतृत्व निर्माण होत जातं, ताकद वाढत गेलं, त्यावेळी अजितदादांवर खूप टीका झाली. त्याचा अजितदादांना खूप त्रास झाला.  २०१२ पासून दादावर आरोप झाले तर जनता त्यांच्या पाठीशी राहिली. सुनेत्रा पवार यांनी सावली सारखी साथ दिली. त्यामुळे उत्तराधिकारी होण्याचा मान आणि सन्मान हा फक्त तुमचा होता.  मला आठवतं २५ सप्टेंबर २०१२ रोजी मी आणि आर आर पाटील हे रायगडमध्ये पोलीस अधीक्षकांच्या कार्यालयाचं भूमिपूजन करण्यासाठी जाणार होतो, मला साडेसात वाजता सांगितलं, मी आज राजीनामा देणार आहे, मी माझ्या पत्नीशी आणि आईशी बोललो नाही. अजितदादांपेक्षा मी वयाने ४ वर्ष मोठा आहे, पण मी त्यांना सांगितलं, हे गोष्ट मोठ्या साहेबांच्या कानावर घालावी. मी अलिबागला गेलो.  त्यानंतर अजितदादांची पत्रकार परिषद झाली, अजितदादांनी राजीनामा दिला. त्यानंतर छगन भुजबळांसह सगळे नेते देवगिरी बंगल्यावर आल्या, त्यावेळी सगळ्यांनी त्यांना राजीनामा का दिला विचारला."

५ जुलै रोजी एमईटीमध्ये आपला मेळावा झाला. अजितदादांनी कणखर निर्णय घेतला,  त्यावेळेस अजितदादांनी सगळं मनातलं बोलून दाखवलं. शेवटच्या श्वासापर्यंत सोबत राहणार असं दादांनी बोलून दाखवलं. कणखरपणे निर्णय का घ्यावा लागतो, हे अजितदादांनी त्यावेळी सगळं सांगितलं. टिका टिप्पणी झाली. पण जनतेसाठी काम केलं. अल्पसंख्याक विभागासाठी चांगलं काम केलं. लाडकी बहिण योजना आणली. मध्यंतरी दुधवालाही सकाळी उठतो, दादांना हिणवलं गेलं. पेपरवाला पण सकाळी येतो, पण अजितदादा हे जनतेच्या सेवेसाठी येत होते. त्यांची सकाळी उठण्याची सवय ही घरात वहिणींमुळे होते.  दादांची राजकीय इच्छाशक्ती प्रचंड होती,  क्षमता यामुळे ४१ जागा आम्ही जिंकलो. विदर्भ मराठवाड्यात चांगल्या जागा आपण जिंकलो होतो.

राजधर्म आणि धर्मशास्त्राचं पालन करण्याचं काम आम्ही केलं म्हणूनच डीसीएम आणि सभागृह नेता सुनेत्रा पवार यांना केलं. काही पैसे देऊन ट्रोल करायचे टीका करायचे ते करा पण आता सांगतो सुनेत्रा पर्व ही आजपासून सुरू झालं आहे, असंही यावेळी सुनील तटकरेंनी ठणकावून सांगितलं.