Mumbai : वांद्रे टर्मिनस होणार आता हाय-टेक! आता लांब पल्ल्याच्या गाड्यांचा फेऱ्या वाढणार; नेमका प्लान काय?

याआधी वांद्रे टर्मिनसमध्ये केवळ तीन देखभाल मार्गिका होत्या. मात्र, आता नव्या तीन मार्गिकांची भर पडल्याने एकूण सहा मार्गिकांवर गाड्यांची देखभाल केली जाऊ शकते. या नव्या मार्गिकांवर रेल्वेगाड्या धुण्याची अत्याधुनिक सुविधाही उपलब्ध आहे. प्रत्येक मार्गिकेची लांबी 540 मीटर असून त्या 24 डब्यांच्या प्रवासी गाड्यांसाठी उपयुक्त आहेत. एलएचबी, आयसीएफ तसेच अन्य सर्व प्रकारच्या डब्यांची देखभाल येथे केली जाणार आहे.