Pune Train : रेल्वे प्रवाशांसाठी महत्त्वाची बातमी; 10 दिवस पुण्यातून धावणाऱ्या या वर्दळीच्या मार्गावरील ट्रेन रद्द

पुणे : पुणे रेल्वे विभागातर्फे प्रवाशांसाठी एक महत्त्वाची सूचना जारी करण्यात आली आहे. दौंड-मनमाड रेल्वे मार्गावरील दौंड ते काष्टी या स्थानकांदरम्यान रेल्वे मार्गाच्या दुहेरीकरणाचे काम हाती घेण्यात आले आहे. या कामासाठी रेल्वे प्रशासनाने १५ ते २५ जानेवारी दरम्यान विशेष 'मेगा ब्लॉक' जाहीर केला असून, यादरम्यान अनेक महत्त्वाच्या रेल्वे गाड्या रद्द करण्यात आल्या आहेत, तर काही गाड्यांच्या मार्गात बदल करण्यात आला आहे.