Shivaji Nagar : औरंगजेबपूर नाही आता शिवाजी नगर..., देशातल्या 3 शहरांना महाराष्ट्राच्या 3 राष्ट्रपुरुषांची नावं!

उत्तराखंडचे मुख्यमंत्री पुष्कर सिंह धामी यांनी हरिद्वार, डेहराडून, नैनिताल आणि उधम सिंह नगर जिल्ह्यातील अनेक ठिकाणांची नावे बदलली आहेत. मुख्यमंत्री धामी यांनी ईदच्या दिवशीच या जिल्ह्यांमधील अनेक ठिकाणांची नावे बदलली आहेत. या बदलानंतर, मुख्यमंत्री पुष्कर सिंह धामी यांनी म्हटले आहे की हे नामांतर नागरिकांच्या भावना, भारतीय संस्कृती आणि वारशानुसार केले जात आहे. मुख्यमंत्री पुढे म्हणाले की, विविध ठिकाणांच्या नावांमध्ये जनभावना आणि भारतीय संस्कृती आणि वारशाला अनुसरून बदल केले जातील. याद्वारे, लोक भारतीय संस्कृती आणि तिच्या जतनासाठी योगदान देणाऱ्या महापुरुषांकडून प्रेरणा घेऊ शकतात.

हरिद्वार जिल्ह्यात औरंगजेबपूरचे नाव शिवाजी नगर, गाजीवलीचे आर्य नगर, चांदपूरचे ज्योतिबा फुले नगर, मोहम्मदपूर जाटचे मोहनपूर जाट, खानपूर कुर्सालीचे आंबेडकर नगर, इंद्रेशपूरचे नंदपूर, खानपूरचे श्री कृष्णपूर आणि अकबरपूर फजलपूरचे विजयनगर असे बदलण्यात येणार आहेत.