कुंभ मेळ्यातील IIT बाबांना अखाड्यातून बाहेर काढले; अभय सिंह म्हणाले, माझ्या वाढत्या लोकप्रियतेमुळे...

इतक नाही तर अभय यांनी असा आरोप केली की, माझ्या वाढत्या लोकप्रियतेमुळे सोमेश्वर पुरी अस्वस्थ झाले होते. त्यामुळे मला जूना अखाड्याचे छावणी सोडण्यास सांगितले गेले.

या वादावर जूना अखाड्याने असे म्हटले आहे की, गुरूविषयी अपशब्द वापरल्यामुळे त्यांना बाहेर काढण्यात आले आहे. संन्यासामध्ये शिस्त आणि गुरूप्रती समर्पण महत्त्वाचे असते आणि त्याचे पालन करणे आवश्यक असते.

आयआयटीयन बाबा म्हणून प्रसिद्ध असलेले अभय सिंह हे जूना अखाड्याचे महंत सोमेश्वर पुरी यांचे शिष्य आहेत. त्यांनी मुंबई आयआयटीमधून एरोस्पेस इंजिनीअरिंग पूर्ण केले आहे. त्यानंतर काही काळ नोकरी केली आणि नंतर ती सोडून आध्यात्मिक क्षेत्रात पाऊल ठेवले. सध्याच्या महाकुंभ मेळाव्यात त्यांना भेटण्यासाठी पत्रकार आणि सोशल मीडिया इन्फ्लुएन्सर्स येत होते. मात्र, या काळात त्यांचा गुरूंसोबत काही कारणावरून वाद झाला, ज्यामुळे हे प्रकरण समोर आले.