चंद्रानंतर सूर्याकडे झेप; ISRO नं आदित्य -L1 बाबत दिली महत्त्वाची माहिती

मुंबई, 31 ऑगस्ट : भारतीय अंतराळ संशोधन संस्था अर्थात 'इस्रो'ने पाठवलेल्या चांद्रयान-3ने नुकतंच चंद्राच्या दक्षिण ध्रुवावर पाऊल ठेवलं. त्यामुळे अशी कामगिरी करणारा भारत हा जगातला पहिला, चंद्रावर उतरणारा भारत हा जगातला चौथा देश बनला आहे. चांद्रयानाने पुढचं कार्यही अपेक्षेनुसार सुरू केलं आहे. या पार्श्वभूमीवर भारताचं जगभर कौतुक होत आहे. चांद्रयान-3 यशस्वीरीत्या चंद्रावर उतरल्यानंतर पंतप्रधान नरेंद्र मोदी यांनी केलेल्या भाषणात सौरमोहिमेबद्दल सूतोवाच केलं होतं. 'इस्रो'ची ती महत्त्वाकांक्षी सौरमोहीम सुरू करण्यासाठी येत्या 2 सप्टेंबरची तारीख निश्चित करण्यात आल्याचं समजतं. अद्याप त्यावर शिक्कामोर्तब व्हायचं आहे. आदित्य - एल वन असं त्या मोहिमेचं नाव आहे. त्याविषयी अधिक जाणून घेऊ या.