कर्नाटकच्या मुख्यमंत्र्यांविरोधात चालणार खटला, राज्यपालांनी दिली मंजुरी

बंगळुरू : कर्नाटकात राजकीय भूकंपाची शक्यता असून मुख्यमंत्री सिद्धरामय्या यांच्याविरोधात खटला चालवण्यास राज्यपालांनी मंजुरी दिलीय. राज्यपालांनी मुख्यमंत्री सिद्धरामय्यांविरोधात त्यांच्या कुटुंबियांशी संबधित MUDA प्रकरणी खटला चालवण्यासाठी दिलेल्या मंजुरीमुळे सिद्धरामय्या यांच्या अडचणी वाढण्याची शक्यता आहे. राज्यपाल थावरचंद गहलोत यांच्याकडे दोन कार्यकर्त्यांनी तक्रार केली होती. त्यात एक आरटीआय कार्यकर्ता टीजे अब्राहम आणि दुसरा सामाजिक कार्यकर्ता स्नेहमयी कृष्णा आहे.