दोस्तीत कुस्ती! शेजाऱ्याचं बायकोसोबत लफडं, कंपनीतही सोबत जायचे, अनैतिक संबंधातून तरुणाचा खेळ खल्लास

पोलिसांनी दिलेल्या माहितीनुसार, अलीगडमधील नोजलपूर गावातील रहिवासी अमित, गढी चौखंडी गावातील गल्ली क्रमांक नऊमधील एका खोलीत त्याची पत्नी आणि तीन मुलांसह भाड्याने राहत होता. रबुपुरा येथील रहिवासी राहुल देखील शेजारी राहत होता. राहुलची पत्नी आणि तीन मुले त्यांच्या कुटुंबासह रबुपुरा येथे राहत होती. तो अमितच्या घराजवळ भाड्याने राहत होता. ते सर्वजण कारखान्यांमध्ये सफाई कामगार म्हणून काम करत होते. अमितची पत्नी देखील राहुल ज्या कारखान्यात काम करत होता त्याच कारखान्यात काम करत होती. दोघेही एकत्र कारखान्यात कामावर जायचे आणि यायचे, तर अमित जौनपूर जिल्ह्यातील नांगलीपूर गावातील रहिवासी उमेशसोबत दुसऱ्या कारखान्यात काम करत होता. अमित आणि उमेश हे जवळचे मित्र होते.

राहुल अनेकदा अमितच्या घरी जायचा आणि जेवायचा. शुक्रवारी रात्री राहुल अमितच्या घरी दारू पिऊन आला. त्याने गोंधळ घातला तेव्हा अमितचा मुलगा आणि शेजारच्या भाडेकरूंनी त्याला हाकलून लावले. त्यांनी घराला कुलूप लावले. अमित आणि त्याची पत्नी बाजारात गेले होते. ते परत आले तेव्हा त्यांना राहुल गेटवर गोंधळ घालत असल्याचे आढळले. संधी साधून तो पुन्हा घरात घुसला. पत्नीचे काही तरी राहुलसोबत संबंध असल्याचा त्याला संशय आला. अमितच्या नकळत राहुल आणि अमितची पत्नी यांच्यात काही सुरु असल्याचा संशय अमितला आला, अमितने उमेशसोबत मिळून राहुलच्या मानेवर वार केले. राहुल रक्ताच्या थारोळ्यात पडलेला आढळला. माहिती मिळताच पोलीस घटनास्थळी पोहोचले आणि राहुलला जवळच्या रुग्णालयात नेले, जिथे त्याचा मृत्यू झाला.

सेंट्रल नोएडा झोनचे डीसीपी शक्ती मोहन अवस्थी म्हणाले की, अमितने उमेशसोबत मिळून राहुलचे त्याच्या पत्नीशी अवैध संबंध असल्याचे लक्षात आल्यानंतर त्याची चाकूने वार करून हत्या केली. दोन्ही आरोपींना अटक करून न्यायालयात हजर करण्यात आले, जिथे त्यांना न्यायालयीन कोठडीत पाठवण्यात आले.