खेळता खेळता श्वास घ्यायला त्रास, आवाजही बंद झाला, चिमुकल्याचा मृत्यू; पालकांनो आपल्या मुलांवर लक्ष ठेवा!

मुलांना सवय असते खाली जे पडलेलं दिसेल ते उचलून तोंडात घालायची, वय कळणारं नसतं त्यामुळे त्यांच्यावर सतत नजर ठेवावी लागते. थोडं दुर्लक्ष झालं तर जीव धोक्यात येऊ शकतो. पालकांनो आपल्या मुलांकडे डोळ्यात तेल घालून लक्ष द्या, एक छोटी चूक चिमुकल्याच्या जीवावर बेतू शकते. घराच्या अंगणात हसत-खेळत असलेल्या एका चिमुकल्याचा खेळता खेळता मृत्यू झाल्याची हृदयद्रावक घटना घडली. अवघ्या एक वर्षाच्या या चिमुकल्याने काहीतरी खाल्लं आणि ते त्याच्या घशात अडकलं. त्याला श्वासही घेता येईना आणि तोंडातून रडणंही निघेना. प्रचंड त्रास होऊ लागला जीव गुदमरला.