Trending:

होळीला गावी जा बिनधास्त, मुंबई आणि पुण्यातून धावणार विशेष ट्रेन, पाहा वेळापत्रक

Published by:Mohan Najan

Last Updated:Mar 01, 2026 12:01 PM IST

होळीच्या सुट्ट्यांमध्ये गावी जाणाऱ्या प्रवाशांसाठी रेल्वेने विशेष गाड्यांची सोय केली आहे. मध्ये रेल्वेने लोकमान्य टिळक ते हटिया आणि पुणे ते दानपूर दरम्यान विशेष ट्रेन चालवण्याचा निर्णय घेतला आहे.

इम्पॅक्ट शॉटतुमचा गेटवे लेटेस्ट न्यूज

रेल्वेने प्रवाशांना सूचना दिली आहे की प्रवासाला निघण्यापूर्वी NTES म्हणजेच (National Train Enquiry System) ॲप किंवा रेल्वेच्या अधिकृत संकेतस्थळावरून गाडीची लाईव्ह स्थिती तपासावी. जुन्या वेळापत्रकावर विश्वास ठेवल्यास गाडी चुकण्याची शक्यता नाकारता येत नाही.

मुंबई : होळीला गावी जाणाऱ्या प्रवाशांसाठी आनंदाची बातमी आहे. होळीच्या सुट्ट्यांमध्ये गावी जाणाऱ्या प्रवाशांसाठी रेल्वेने विशेष गाड्यांची सोय केली आहे. मध्ये रेल्वेने लोकमान्य टिळक ते हटिया आणि पुणे ते दानपूर दरम्यान विशेष ट्रेन चालवण्याचा निर्णय घेतला आहे. त्यामुळे प्रवाशांचा प्रवास सुखकर होणार आहे.

गाडी क्रमांक 08610 विशेष

04 मार्च आणि 11 मार्च रोजी लोकमान्य टिळक टर्मिनस मुंबई येथून 05.00 वाजता सुटेल आणि हटिया येथे दुसऱ्या दिवशी 9.00 वाजता पोहोचेल. गाडी क्रमांक 08609 विशेष 02 मार्च आणि 09 मार्च रोजी हटिया येथून 4.20 वाजता सुटेल आणि लोकमान्य टिळक टर्मिनस मुंबई येथे तिसऱ्या दिवशी 12.40 वाजता पोहोचेल.

होळी ते गुढीपाडवा! मार्चमध्ये सणांचा धमाका; ग्रहांच्या राशी परिवर्तनाचा तुमच्या आयुष्यावर काय परिणाम?

या गाडीला ठाणे, कल्याण, इगतपुरी, नाशिक रोड, मनमाड, चाळीसगांव, पाचोरा, भुसावळ, मलकापूर, शेगांव, अकोला, बडनेरा, वर्धा, नागपूर, गोंदिया, दुर्ग, रायपूर, बिलासपूर, झारसुगुडा आणि राउलकेला येथे थांबा आहे.

पुणे ते दानापूर विशेष गाडीच्या 6 सेवा होतील

गाडी क्रमांक 01479 विशेष 01 मार्च, 05 मार्च आणि 09 मार्च रोजी पुणे येथून 8.55 वाजता सुटेल आणि दानापूर येथे तिसऱ्या दिवशी 8.00 वाजता पोहोचेल. गाडी क्रमांक 01480 विशेष 03 मार्च, 07 मार्च आणि 11 मार्च रोजी दानापूर येथून 10.00 वाजता सुटेल आणि पुणे येथे दुसऱ्या दिवशी 9.15 वाजता पोहोचेल.

या गाडीला दौंड कॉर्ड केबिन, अहिल्यानगर, कोपरगाव, मनमाड, जळगाव, भुसावळ, खंडवा, इटारसी, मदन महल , कटनी, सतना, माणिकपूर, प्रयागराज छिवकी, पं. दीन दयाल उपाध्याय जं., बक्सर व आरा येथे थांबा राहणार आहे.

विशेष गाडी क्रमांक 08610 यांचे आरक्षण 02 मार्चपासून सर्व संगणकीकृत आरक्षण केंद्रांवर तसेच संकेतस्थळावर आगाऊ आरक्षण कालावधी अंतर्गत उपलब्ध होईल, अशी माहिती मध्य रेल्वे प्रशासनाकडून देण्यात आली. या गाड्यांचा प्रवाशांना मोठा फायदा होणार आहे.

view comments

Location :

Mumbai,Maharashtra

First Published :

Mar 01, 2026 12:01 PM IST

होळीला गावी जा बिनधास्त, मुंबई आणि पुण्यातून धावणार विशेष ट्रेन, पाहा वेळापत्रक