34 किमी मायलेज, सेफ्टीमध्ये टँकसारखी मजबूत; किंमतही कमी, भारतातील सगळ्यात स्वस्त 6 Car

भारतात सध्या जीएसटीच्या दरात कपात झाल्यानंतर ऑटो इंडस्ट्रीमध्ये स्वस्ताई आली आहे. कारच्या किंमती कमी झाल्या आहेत. आता कारच्या किंमतीत एसयूव्ही सुद्धा उपलब्ध झाल्या आहेत. त्यामुळे मध्यमवर्गीयांना कार घेण्याचं स्वप्न आता साकार होत आहे. जर तुमचं बजेट अगदी ६ लाख रुपये असेल तरीही तुम्ही एक दमदार, मजबूत आणि मायलेजमध्ये बेस्ट असलेली कार खरेदी करू शकतात.  भारतात सध्या स्वस्त कारमध्ये  Maruti S-Presso, Alto K10, Renault Kwid, Tata Tiago आणि Tata Punch या सारख्या कार्सचा समावेश आहे.

Maruti S-Presso: भारतातील सर्वात मोठी कार उत्पादक कंपनी असलेल्या मारुती सुझुकीची सगळ्या स्वस्त कार म्हणूण Maruti S-Presso कडे पाहिलं जातं.  या कारची किंमत 3.50 लाखांपासून सुरू होते.>

Maruti S-Presso मध्ये 1.0 लिटर पेट्रोल इंजिन आहे जे 67 PS पॉवर देतं. Maruti S-Presso चं मायलेज पेट्रोलमध्ये 24 किमी इतकं आहे. ही एक छोट्या SUV सारखीच आहे. यामध्ये CNG व्हेरिएंट सुद्धा उपलब्ध आहे. सीएनजीमध्ये ही कार ३४ किमी इतकं मायलेज देते.

Alto K10: मारुती सुझुकीची आणखी एक मध्यमवर्गीयांची फेव्हरेट कार म्हणजे Alto K10.  Alto K10 मध्ये1.0 लिटर इंजिन येतं. मायलेजचा विचार केला तर पेट्रोल व्हेरियंटमध्ये ही कार  24.4 किमी मायलेज देते

Alto K10 ची चांगली गोष्ट म्हणजे, मेंटेन्स कमी आहे.  Alto K10 मध्ये CNG पर्यायही आहे. सर्वात कमी रनिंग कॉस्ट आणि साईज छोटी असल्यामुळे पार्किंगचं टेन्शन राहत नाही.  जर तुम्ही पहिली कार घेत आहात तर ही एक बजेट फ्रेंडली कार आहे. Alto K10 किंमत 3.70 लाखांपासून सुरू होते.

Renault Kwid  ही एक स्वस्तात मस्त असा पर्याय आहे. या कारमध्ये सुद्धा1.0 लिटर इंजिन येते, जे 21-22 किमी मायलेज देतं. जास्त ग्राउंड क्लीयरन्स आणि SUV स्टाइल लूक आहे, त्यामुळे इतर छोट्या कारपेक्षा ही वेगळी दिसते. आकर्षक डिझाईन, चांगली जागा आणि उत्तम फिचर्स दिले आहे.  Renault Kwid ची किंमत 4.30 लाखांपासून सुरू होते.

Tata Tiago: टाटा मोटर्सची धाकड कार म्हणून Tata Tiago चं नाव समोर येतं. Tata Tiago मध्ये 1.2 लिटर इंजिन आहे आणि iCNG पर्यायही मिळतो. पेट्रोलमध्ये ही कार 19 किमी मायलेज देते. 4-स्टार ग्लोबल NCAP सेफ्टी रेटिंग आहे. मजबूत बिल्ड, स्मूथ ड्राईव्ह आणि चांगले फीचर्स यामुळे मध्यमवर्गीयांची फेव्हरेट आहे. ही कार जास्त सेफ्टी आणि प्रीमियम फील देते. मात्र, मेंटेनन्स थोडं महाग आहे. किंमत 4.57 लाखांपासून सुरू होते.

Tata Punch : टाटा मोटर्सही टँकसारखी ही कार आहे. ही एक मिड साईज एसयूव्ही आहे.  Tata Punch चं बेस व्हेरिएंट 1.2 लिटर पेट्रोल इंजिनसह येतं, जे 86 PS पॉवर देतं. Tata Punch ही 18-20 किमी  मायलेज देते.

Tata Punch ही एक 5-स्टार BNCAP सेफ्टी रेटिंग कार आहे. Tata Punch मध्ये जास्त ग्राउंड क्लीयरन्स, LED लाइट्स, टचस्क्रीन सारखे फिचर्स आहे.  SUVसारखी सेफ्टी, मॉडर्न फिचर्स, फॅमिली आणि खराब रस्त्यांसाठी ही एक बेस्ट मिड साईज एसयूव्ही आहे. Tata Punch ची  किंमत 5.60 लाखांपासून सुरू होते.