34 किमी मायलेज, 6 एअरबॅग्स आणि बुलेटपेक्षाही स्वस्त अशा Maruti च्या 3 फॅमिली Cars

भारतात जीएसटीच्या दरात कपात झाल्यामुळे ऑटो इंडस्ट्रीमध्ये मोठे बदल पाहण्यास मिळाले. कारच्या किंमतीत कमालीची कपात झाली. आता बाजारात कारच्या किंमतीत एसयूव्ही सहज विकत घेता येत आहे. तर छोट्या कारच्या किंमती तर आणखी कमी झाल्या आहेत. एखाद्या महागड्या बाईकच्या किंमतीत आता कार येईल, अशी परिस्थितीत असून आणि हे खरं आहे. कारण, मारुती सुझुकीच्या मायलेज किंग असलेल्या ३ अशा कार आहे, ज्यांच्यामध्ये ६ एअर बॅग्स आहे आणि किंमतही बजेटमध्ये.

या यादीत Maruti Suzuki Alto K10, Maruti Suzuki Celerio आणि Maruti Suzuki Wagon R या कार्सचा समावेश आहे, ज्या बेस व्हेरिएंटपासूनच 6 एअरबॅग्स (ड्रायव्हर, पॅसेंजर, साइड आणि कर्टन) देतात. तुमचा बजेट 5 लाख रुपयांपेक्षा कमी असेल आणि तुम्हाला सेफ्टीमध्ये तडजोड करायची नसेल, तर या कार सगळ्यात बेस्ट आहे.

Maruti Suzuki Alto K10 - मारुतीची सर्वात लोकप्रिय आणि मध्यमवर्गीयांचं पहिलं प्रेम असेली ही कार आहे.  Suzuki Alto K10 ही भारतातील सर्वात स्वस्त 6 एअरबॅग्स असलेली कार आहे. Suzuki Alto K10 ची किंमत  3,69,900 रुपये एक्स शोरूमपासून सुरू होते.

Suzuki Alto K10  छोटी आणि मायलेजासाठी बेस्ट कार आहे. Suzuki Alto K10 मध्ये 1.0-लीटर इंजिन आहे आणि 24-25 kmpl पर्यंत मायलेज देते. सर्व व्हेरिएंट्समध्ये आता 6 एअरबॅग्स स्टँडर्ड आहेत. सोबत ABS, EBD आणि रिव्हर्स पार्किंग सेन्सर्ससारखी फिचर्स आहेत. CNG व्हेरियंटमध्ये ही कार तब्बल 33.34 किमी मायलेज देते.

Maruti Suzuki Celerio - मारुतीची दुसऱ्या क्रमांकाची लोकप्रिय कार आहे. Alto K10 च्या तुलनेत थोडी मोठी आणि प्रॅक्टिकल हॅचबॅक आहे. Celerio  ची एक्स-शोरूम किंमत 4.70 लाखांपासून सुरू होऊन 7.37 लाखपर्यंत आहे. Celerio मध्ये 1.0-लीटर इंजिन आहे, जे 26 kmpl पर्यंत उत्तम मायलेज देतं. Celerioमध्ये स्पेस चांगला असून  6 एअरबॅग्ससह ABS, EBD आणि उच्च सेफ्टी रेटिंगमुळे ही फॅमिलीकरिता बेस्ट आहे.

Maruti Suzuki Wagon R - मारुतीची सध्याची सर्वाधिक विक्री होणारी कार आहे.  Wagon R ही एक बेस्ट फॅमिली कार आहे. Wagon R  ची सुरूवातीची किंमत 4.99 लाखांपासून सुरू होते आणि टॉप व्हेरिएंटसाठी 6.95 लाखपर्यंत आहे

Maruti Suzuki Wagon R ही 1.0-लीटर किंवा 1.2-लीटर इंजिन ऑप्शनमध्ये मिळते आणि मायलेज 22-25 kmpl पर्यंत आहे. जास्त हेडरूम आणि बूट स्पेस मिळतो, जो फॅमिलीकरिता बेस्ट आहे. CNG व्हेरियंटमध्ये ही कार तब्बल ३४ किमी मायलेज देते.

Maruti Suzuki Alto K10, Maruti Suzuki Celerio आणि Maruti Suzuki Wagon R या तिन्ही कार्स मारुतीच्या कमी मेंटेनन्स, जास्त रीसेल व्हॅल्यू आणि चांगल्या सर्व्हिस नेटवर्कसह येतात. तुमचा बजेट 5-6 लाख रुपयांपर्यंत असेल, तर या सर्वात बेस्ट अशा बजेट कार आहे.