Octavia RS : बुकिंगची घोषणा अन् 12 मिनिटांत 100 Car विकल्याही! कार नव्हे आहे वादळ, लूक पाहून पडाल प्रेमात

ती आली, तिने पाहिलं आणि जिंकलं. असाच प्रकार हा skoda ऑटो इंडियाच्या एका सुपर कारसोबत घडला आहे. octavia rs 2025 या कारची नुसती घोषणा झाली. भारतात फक्त १०० गाड्या विकण्याचं कंपनीने जाहीर केलं होतं. पण, जेव्हा बुकिंग सुरू झालं अवघ्या १२ मिनिटांमध्ये १०० गाड्यांची विक्री झाली होती. भारतीय ऑटो इंडस्ट्रीमध्ये हा एक रेकॉर्ड आहे.

octavia rs 2025  बुकिंग सुरू झालं आणि बंदही झालं. २.५ लाख बुकिंग रक्कम जमा करून नवीन octavia rs 2025 चं प्री-बुकिंग करता येईल अशी अट कंपनीने ठेवली होती. octavia rs 2025 किंमत ५० लाख ते ६० लाख (एक्स-शोरूम) दरम्यान असण्याची शक्यता आहे. अधिकृत लाँच १७ ऑक्टोबर रोजी होणार आहे, डिलिव्हरी ६ नोव्हेंबरपासून सुरू होईल.

octavia rs 2025 मध्ये 2.0-लिटर टीएसआय टर्बोचार्ज्ड पेट्रोल इंजिन आहे जे 261 बीएचपी (195 किलोवॅट) आणि 370 एनएम टॉर्क निर्माण करते. ७-स्पीड डीएसजी ड्युअल-क्लच ऑटोमॅटिक गिअरबॉक्स आहे, ज्यामुळे पुढच्या चाकांमध्ये पॉवर ट्रान्समिट केली जाते. octavia rs 2025 ही  फक्त ६.४ सेकंदात ०-१०० किमी प्रतितास वेग गाठू शकते.

तर octavia rs 2025 चा टॉप स्पीड  ताशी २५० किमी इतका आहे. इंजिनला सपोर्ट करण्यासाठी, ऑक्टाव्हिया आरएसमध्ये प्रोग्रेसिव्ह स्टीअरिंग, स्पोर्ट्स सस्पेंशन आणि स्पोर्ट्स एक्झॉस्ट आहेत, जे एक दमदार परफॉर्मन्स देतात.

लांबी किती? octavia rs 2025 मध्ये  ६००-लिटर ट्रंक (१,५५५ लिटरपर्यंत वाढवता येते), ५०-लिटर इंधन टाकी आणि पाच जणांसाठी बसण्याची क्षमता आहे. ऑक्टाव्हिया आरएसची लांबी ४,७०९ मिमी, रुंदी १,८२९ मिमी आणि उंची १,४५७ मिमी आहे, ज्याचा व्हीलबेस २,६७७ मिमी आहे. octavia rs 2025 १९-इंच ड्युअल-टोन एलियास अलॉय व्हील्स, काळा बाह्य इन्सर्ट, स्पोर्ट्स बंपर आणि मागील स्पॉयलरसह त्याचे हेतू स्पष्ट करते. ब्लॅक एक्झॉस्ट टेलपाइप्स आणि स्कोडाचे नवीन ब्लॅक-आउट बॅजिंग त्याच्या कामगिरीच्या डीएनएवर अधिक भर देते.

फिचर्स आणि रंग - octavia rs 2025 ही ५ रंगात उपलब्ध होणार आहे.  यामध्ये मांबा ग्रीन, रेस ब्लू, वेल्वेट रेड, मॅजिक ब्लॅक आणि कँडी व्हाइट. आoctavia rs 2025 मध्ये ड्रायव्हर-केंद्रित, पूर्णपणे काळ्या रंगाची थीम आहे. ज्यामध्ये सुएड अपहोल्स्ट्री, रेड कॉन्ट्रास्ट स्टिचिंग आणि कार्बन-फिनिश डॅशबोर्ड आहे.

अॅल्युमिनियम पेडल्स, पॅडल शिफ्टर्ससह फ्लॅट-बॉटम स्टीयरिंग व्हील आणि अॅम्बियंट लाइटिंग सारख्या आरएस-विशिष्ट घटकांमुळे स्पोर्टी आणि प्रीमियम फील आणखी वाढला आहे. वायरलेस अँड्रॉइड ऑटो आणि अॅपल कारप्लेसह १२.९-इंच इन्फोटेनमेंट टचस्क्रीन. octavia rs 2025 मध्ये खास आहे ग्राफिक्ससह व्हर्च्युअल कॉकपिट डिजिटल क्लस्टर. हेड-अप डिस्प्ले (HUD) तसंच ११ स्पीकर्स आणि सबवूफरसह ६७५W कॅन्टन प्रीमियम साउंड सिस्टम दिली आहे.  वेंटिलेशनसह वायरलेस चार्जिंग आहे.

10 एअर बॅग -एवढंच नाहीतर या कारमध्ये  ३६०-डिग्री एरिया व्ह्यू कॅमेरा आणि इंटेलिजेंट पार्क असिस्ट दिले आहे. या कारच्या सेफ्टीबद्दल बोलायचं झालं तर,  सुरक्षेसाठी कारमध्ये १० एअरबॅग्ज (फ्रंट सेंटर आणि ड्रायव्हरच्या गुडघ्याच्या एअरबॅग्जसह) दिल्या आहेत. तसंच, ESC, ABS, EBD आणि ASR. फ्रंट असिस्टसह अ‍ॅडॉप्टिव्ह क्रूझ कंट्रोल. लेन असिस्ट आणि ब्लाइंड-स्पॉट डिटेक्शन दिलं आहे.