कोरोनाने बदललं MBBS डॉक्टरचं स्वप्न! पहिल्या प्रयत्नात बनला IAS; अशी टॉप केली UPSC

Success Story GVS Pavan Datta : IAS अधिकारी पवन दत्त हे तामिळनाडूतील तिरुपती जिल्ह्यातील आहेत. त्याचे वडील LIC इंडियात काम करतात. आई एस. ललिता कुमारी जिल्हा परिषद हायस्कूलमध्ये शिकवतात. पवन दत्तला लहानपणापासून IAS नव्हे तर डॉक्टर व्हायचे होते. त्यामुळे हैदराबादच्या नारायण कॉलेजमधून इंटरमिजिएटचे शिक्षण पूर्ण केल्यानंतर त्यांनी तिरुपतीच्या एसव्ही मेडिकल कॉलेजमधून एमबीबीएसची पदवी मिळवली.

पवनने कोरोना महामारीच्या काळात यशस्वी प्रशासकीय व्यवस्थापन पाहिले तेव्हा त्यांना वाटले की, डॉक्टरांपेक्षा आयएएस अधिकाऱ्याचा प्रभाव हजारपट जास्त आहे. हे मोठ्या प्रमाणावर जीवन बदलू शकते. जे डॉक्टर कधीच करू शकत नाही. पवनला येथूनच आयएएस होण्याची प्रेरणा मिळाली आणि त्याने सिव्हिल सेवा परीक्षेची तयारी करण्याचा निर्णय घेतला.

रिपोर्टनुसार, ज्यावेळी पवनने UPSC परीक्षेचा विचार केला तेव्हा त्याच्याकडे प्रिलिम्सची तयारी करण्यासाठी फक्त काही महिने होते. अशा परिस्थितीत काही महिन्यांनी होणाऱ्या यूपीएससी प्रिलिम्ससाठी त्यांनी कोणतीही स्ट्रॅटजी बनवली नाही. त्याऐवजी व्यापक उद्दिष्टे ठरवून त्यानुसार तयारी सुरू केली. ते बेसिक्सवरच अडून राहिले आणि त्याच्याकडे उपलब्ध असलेल्या प्रत्येक सोर्स मटेरियलची पुन्हा पुन्हा उजळणी केली.

पवन सांगतात, त्यांनी प्रिलिमसाठी कोणत्याही नोट्स बनवल्या नाहीत. मेन्स दरम्यान चालू घडामोडींसाठी लहान नोट्स तयार केल्या. ते मेन्समध्ये फास्ट लिहिणं शिकण्यास तयार झाले. मात्र, ऐच्छिक विषयांसाठी कोचिंग घेतले आणि काही मॉक इंटरव्ह्यूही दिल्या. आपला मुलाखतीचा अनुभव सांगताना पवन सांगतात की UPSC मुलाखतीतील 95% प्रश्न त्याच्या वैद्यकीय पार्श्वभूमीशी संबंधित विचारण्यात आले होते. त्यावर त्यांनी समाधानकारक उत्तर दिले.

पवन सांगतात की, यूपीएससीच्या तयारीदरम्यान त्यांनाही अनेकदा इमोशनल ब्रेकडाउनचा सामना करावा लागला. पण तो प्रत्येक वेळी फिनिक्ससारखा उदयास आला आणि त्याने सर्व आव्हानांना तोंड दिले. पवन यूपीएससीची तयारी करणाऱ्यांनी मूलभूत गोष्टींवर ठाम राहण्याचा सल्ला देतात. परीक्षा खूप मोठी आहे असे समजून तणाव वाढवू नका. जमेल तेवढा सराव करा.